10 月 3 日一集，一班主持為大家介紹一間深圳的水療中心，該水療中心入場費只要 138 元人民幣，便可以玩足 24 小時，中心的設施五花百門，泳池、溫泉、岩盤浴等不在話下，Jessica 和梁超怡齊齊換上泳衣碧波暢泳，畫面唯美，Phoebe 則包上浴巾享受浸溫泉，Chill 到爆。另邊廂，林秀怡體驗了水療中心的付費按摩服務，揀選了泰式按摩的秀怡期間被技師舞來舞去摺埋一嚿，場面搞笑。此外，水療中心提供了打機、唱 K、桌球等娛樂設施，早餐、下午茶、水果、飲料更是免費提供，啱晒一家大細玩足一日！
林秀怡繼續搞笑擔當。
打卡最實際。
香港美食方面，Phoebe 和梁凱晴去到鰂魚涌一間酒樓品嚐精緻手工粵菜，僅以 788 港元買一送一優惠（另加茶芥和加一服務費），便可以大歎黑蒜花膠燉雞湯、花雕雞油蒸馬友、海味一品煲、煎蛋焗豬扒飯和生磨芝麻卷，當中的海味一品煲最令人驚艷，盅內有齊花膠、鮑魚、刺參等名貴食材，絕對是童臾無欺，難怪 Phoebe 和凱晴食到舔舔脷！
廖慧儀
梁超怡
彭慧中
彭慧中同梁凱晴推介呢個兩人餐好正呀，個一品煲勁足料呀，充滿濃濃嘅骨膠原。
10 月 4 日播出一集，林秀怡、梁凱晴和 Jessica 去到珠海的北山會館體驗文青之旅，她們去到一間由廟宇改建而成的酒吧 Chill一 Chill，該酒吧晏晝賣涼茶、夜晚賣雞尾酒，非常特別，之後她們轉場另一間食店品嚐地道重慶火鍋，3 個人嗌到成枱嘢食都只要 304 元人民幣，相當划算。深圳方面，Phoebe、Jessica 和林秀怡去到一間潮爆 Café 打卡，該店周圍都是花花草草，小橋流水樣樣齊，氛圍感十足，三位靚女不約而同以 off shoulder 裝上陣，大晒索爆靚肩瘋狂打卡，畫面唯美。該店雙人下午茶餐盛惠 238 元人民幣（平日）、258 元人民幣（周末及假期），包了門票、兩杯特飲、一件蛋糕及羊駝零食。
喺一間廟入面飲酒，大家試過未？
地道重慶火鍋，又平又抵食！
香港方面， Phoebe、Jessica 和梁凱晴去到西環品嚐曾入選米芝蓮的煲仔飯名店，該店是香港少有開 24 小時的茶樓，食店最近大搞優惠，宵夜時段點心及煲仔飯只要 7 折，白鱔排骨飯和黃金臘味撈飯折後分別只需 71.4 港元和 82.6 港元，相當抵食。老闆 Jacky 還會現身說法，為大家介紹食煲仔飯的「黃金 30 秒」，想知道有甚麼竅門？密切留意今晚播出一集。此外，欲知更多密切留意節目，記得掃瞄 QR Code 留意「吃貨優惠情報」！
朝聖最潮打卡 Café，三位靚女齊齊着露肩裝，「肩」係索！
煲仔飯「黃金 30 秒」究竟係乜嚟？
INFO：旅遊飲食節目《中國建設銀行（亞洲）呈獻：吃貨橫掃港深珠》，逢周一至周五晚上十點半翡翠台播映。由彭慧中（Phoebe）、林秀怡、梁凱晴、梁超怡及廖慧儀（Jessica）擔任主持，齊齊玩轉香港、深圳及珠海！