昨晚（7 日）播出的第十六集《企業強人》，趙愷（陳豪飾）意欲將世代物流 20%股份贈予旗下逾 15 萬名員工一事受到阻力，徐道明（譚俊彥飾）及邢文浩（姜大衞飾）等極力反對，但趙愷最終見招拆招成功力排眾議。送股份消息公布後，世代物流股價反常地不跌反升，原來趙愷前度、現職國際物流企業高層的丁寧（朱智賢飾）暗地在外圍「掃貨」、並企圖買得足夠股份後收購世代物流，引發新一輪危機⋯⋯朱智賢飾演的丁寧，與宋翹（張曦雯飾）及趙愷昔日有著複雜的三角關係，丁寧這次出手將對趙愷及世代物流造成極大要脅，為了達到目的，丁寧之後更會在方芳（龔嘉欣飾）面前狂打趙愷毒針，二人的對壘場口張力十足，值得期待。
朱智賢同張曦雯嘅關係張力十足。
朱朱短髮 Look 及長腿獲激讚，網民亦盛讚佢好有氣場，好適合演「強人」。
與張曦雯一樣同為「強人」系列鐵膽的朱智賢（朱朱），這次按監製 Marco 要求剪短頭髮做商界女強人，結果全新短髮 Look 大獲好評，網民讚朱朱短髮造型顏值高之餘亦霸氣十足：「真的很漂亮，短髮 Look 鋼練又有氣質，妝容看上去也很舒服」、「超有氣質」、「很適合演女強人」 、「超有台型」 。談到短髮造型，朱朱透露已超過 20 年沒試過「短到呢個程度」 ： 「同監製合作過好多次，所以佢叫我剪咩髮型我都會配合。不過今次真係入行以嚟最短嘅一次，初初剪完都真係有啲唔習慣。短到呢個程度，我相信有 20 幾年冇試過。」
呢場對壘戲勁有戲味，敬請期待。
朱朱每次出場嘅耳環都好搶鏡。
另劇中不時以女強人套裝上陣的朱朱，一雙長腿亦同樣搶焦，對此朱朱坦言劇中每個造型都是經過精心打造及設計： 「今次真係有用心思去揀戲服，每次都會襯過晒先至着出嚟，例如盡量每套衫都會襯番唔同嘅耳環同頸鏈。我今次都有參與俾咗少少意見，以前嘅女強人會着褲多啲，但今次丁寧就着裙多啲。 （留意到特別多長耳環，有冇特別意思？）想感覺霸氣得嚟又唔會太過成熟，又有啲 Fashion。」笑指自己私下是「女傻人」的朱朱，坦言每次飾演女強人都覺得難度很高： 「認識我嘅人都知其實我係一個傻大姐，完全同女強人扯唔上關係，但係偏偏監製好鍾意搵我做女強人，因為佢話我行出嚟有個氣勢。我今次都有參考吓一啲外國嘅電影，學吓講嘢嘅語速、肢體語言，同埋步伐。」為了演活自信霸氣女強人，朱朱直指整套劇除了冷笑，基本上沒有開心地笑過，並笑言： 「拍到塊面都僵硬咗。」
私底下嘅朱朱其實好玩得，呢個 golf look，突顯咗朱朱長腿嘅優點。
昨晚 Ending 場口亦相當浪漫，每次均 200%落力為趙愷解除危機的宋翹，與趙愷分析丁寧的威脅性時，不以為然的趙愷將話題拉到宋翹家中的音響器材上，二人之後齊齊靜下來細聽昔日的定情歌曲《Come With Me》。為配合家居 Feel，張曦雯相關場口素顏上陣，皮膚質素甚佳；談到護膚心得，張曦雯（Kelly）透露如果要開工拍劇，她每天會敷至少兩次 Mask 保持皮膚質素，相當勤力： 「今次我都係第一次開工唔化妝，因為想將喺屋企同埋女強人嘅對比做得大啲。護膚唔可以懶架，如果我開工，朝早起身洗完臉會敷 Mask 先會化妝，夜晚落晒妝洗晒臉都一定會敷個 Mask 先至瞓覺，同埋飲多啲水，水份好緊要。」
張曦雯素顏好靚女。
佢同陳豪呢幕戲，加埋 Yumi 動聽插曲嘅加持，整場戲獲讚寧靜又浪漫。
鍾柔美深情獻唱插曲《Come With Me》 網民驚嘆：估唔到係佢
另《Come With me》是《企業強人》插曲，由《聲夢》畢業生鍾柔美（Yumi）獻唱，對於擅長唱快歌的 Yumi 轉歌路唱浪漫英文情歌，網民極為受落，大嘆驚喜及直指 Yumi 唱功進步不少：「Yumi 唱得超好聽，好有感覺，有靈魂，好動聽」、「估唔到係 Yumi 唱，進步不少」、「睇劇聽咗幾次已經好入腦」、「Yumi 唱慢歌也有很高欣賞指數」、「希望每日都有呢首插曲可以聽到」 。
INFO：由騰訊視頻和 TVB 聯合製作的台慶劇《位元堂養陰丸呈獻：企業強人》，逢周一至周五晚八點半翡翠台播映。 《企業強人》由「強人」系列金牌監製羅永賢（Marco）、聯同最佳拍檔—編審黃偉強聯手打造，主要演員有陳豪、譚俊彥、龔嘉欣、張曦雯、姜大衞、謝東閔、李芷晴、吳子冲、朱智賢、尹詩沛、李成昌、潘芳芳、余思霆、鄔嘉駿、吳兆麟、黃浩霆。
Comments