今晚（17 日）Helen 繼續由布院之旅，口不擇言的 Helen 形容香菇比自己的胸大。
今晚（17 日）杜如風（Helen）繼續由布院之旅，一早上山食燒香菇。Helen 見到如塊面般大的香菇時，口不擇言說︰「大過我個胸好多呀，大埋我個頭呀。」香菇是每日從山上摘下，如果想食最大的 VIP 級別，最好早一日預訂。接住 Helen 來到一間 DIY 帆布鞋店，她親手造了一款鞋加上不同貼紙公仔後價值 7,740 日圓（約 372 港元），杜如風揚言加上自己簽名及試着，即時增值 20多萬日圓。
Helen 為 DIY 帆布鞋首次用熨斗，今晚 IG Live 將送出 Helen 親筆簽名布鞋。
Helen 推介一間由屋台轉營至地舖的人氣拉麵店。
當中一款黑蒜油豬骨拉麵，令 Helen 想起偶像阮經天。另一款人氣主打燒麵，類似港式肉絲炒麵。
來到一間時裝店，阮經天因為一件大褸再被召喚。
明晚（18 日）Helen 來到博多一間時裝店，當她見到一款多袋背心時，即刻憶起亡父；資深傳媒人及前嘉禾電影宣傳主管杜惠東，她說︰「即刻諗起阿爸，佢以前做港聞版記者，所以我屋企好多呢啲工人背心，差唔多佢日日都著住，佢鍾意好多個袋啲衫，佢袋好多菲林係身，呢件背心前後總共有 12 個袋。」
Helen 因為一件背心想起亡父。
之前介紹過福岡有名的屋台，即是香港人的大排檔。今次 Helen 推介的一間人氣拉麵屋台，因為生意太好要搬入舖，才夠位招呼客人。店主依然沒有忘本，將整間車仔檔移到室內。今次 Helen 試了一款熱賣的黑蒜油豬骨拉麵，她形容顏色勁似墨汁意粉，同時竟又被她拉到新歡、電影《周處除三害》的阮經天身上。想知箇中原因，留意明晚節目播出。Helen 還會示範近期日本女孩人氣打扮-透視裝。
福岡兩款名物︰明太子丼及蛋白海鮮丼。
此外，Helen 今晚會繼續於 IG 開 Live 跟網民 chit chat，同時送出上述經加持的帆布鞋。而《解風福岡》在 TVB Plus 官方社交媒體推出精華回顧，以短片形式剪輯每段精華片段。新一輯金句計有︰「我覺得自己係一隻好肥美嘅糭」、「聞到臭真係好興奮，因為我好鍾意食臭嘅嘢」、「我剝埋衫仲天人合一添呀」 ，上述金句配上 Helen 抵死表情，份外抵死。
有「日本旅遊達人」之稱的杜如風（Helen），再度為 TVB Plus（82 台）主持王牌旅遊節目《Cashing Pro 私人貸款呈獻︰解風福岡》，節目逢周一、五晚 8 點半周二、四晚 8 點 35 分播映。之前《解風東京》創出最高收視 5.9 點，今次 Helen 再度踏足鄉下日本，轉戰福岡，本住「shopping、食好西同𥄫仔」的初心，跟大家玩盡福岡。
Comments