獲讚有陳慧珊氣質
昨晚（17 日）是張曦雯（Kelly）演技晒冷之夜，除了劇集後半段的「重病戴帽／假髮」造型我見猶憐，宋翹決心離開道明、趙愷（陳豪飾）及方芳、隻身遠赴外國醫病的「告別獨白戲」亦相當感人。
張曦雯呢場戲非常順暢地喺硬朗、專業同滿肚密圈之間遊走。
Kelly 連笑容都別具層次。
加上角色人設勁好，事事均為好友及世代物流著想，成功入屋。就算知道自己個病好嚴重，Kelly 都顧咗趙愷同世代物流先，專登走去鬧醒搞事嘅丁寧（朱智賢飾）。
清楚知道自己病情嚴重的宋翹，為了不讓三位好友／知己擔心，全程故作瀟灑兼輕鬆向三人道別；宋翹道別影片中雖然一直有保持笑容，但仍隱藏不了內心的不捨，最終忍淚向世代物流送上祝福之餘，還哽咽地向三人逐一告別，期間一度激動得雙唇顫抖，場面相當感人，不少網民看畢無不心痛留言：「宋翹真的是騙了不少眼淚」，並大讚 Kelly 演技一部比一部進步，力推 Kelly 有實力坐穩女一位置之餘，還大讚宋翹角色的立體及善良度有助 Kelly 入屋：「大花旦接班人」、 「演技讓人刮目相看」、「漂亮又有氣質」、「宋翹人設真的好好，有血有肉、有情有義」、「宋翹真的太有魅力，剛柔並重」、「笑起來很好看」、「超自然的演出」、「有當年陳慧珊的氣質」。
呢幕笑住強忍傷痛嘅告別獨白戲，好有感染力。
龔嘉欣嘅淚眼，為呢場戲錦上添花。
其實 Kelly 演戲確是相當用心，這次飾演宋翹除親力親為參與形象設計、及有過半數戲服是私伙外，就連宋翹家中的擺設及道具亦有不少是 Kelly 私伙，其中宋翹在劇集後段經常抱著的熊啤啤，便是 Kelly 為了投入角色而準備：「宋翹對我嚟講係好 lonely 嘅人，都有啲似我，表面上好似好獨立，但內裏都會有需要人陪伴嘅時候。因為佢病嘅時候好多時都係一個人，所以覺得佢都需要啤啤熊陪住佢，攬住隻熊啤啤拍 lonely 戲會特別有感覺。」Kelly 續指熊啤啤「曝光」後，曾吸引網民好奇留意到底是趙愷還是道明送給宋翹的禮物，十分搞笑。
昨晚一集，宋翹虛弱身影閃現，情況令人擔心。
揭與 John 哥對戲勁大壓力
宋翹生死自然是今晚大結局的焦點，而大結局另一焦點場口則落在另一名女主角龔嘉欣（Katy）身上；今晚 Katy 將在一鏡過的拍攝情況下、一口氣背誦出長達整整一分鐘的「資訊式台辭」，當中除包含大量翹口的公司名字外，還涉及不少數字，絕對是記憶力大考驗；不過 Katy 最終仍順利一 take 過完成考驗，相當厲害。
大結局劇照預告，而喺結局成日出現喺宋翹身邊嘅啤啤熊，原來係 Kelly 嘅私伙。
呢個一鏡過密集式對白場口，Katy 都可以一 take 過搞掂好厲害。
原來 Katy 有個不為人知的習慣，就是會在拍攝重頭場口前，不斷自言自語自我催眠，務求以類似吸引力法則的方法幫助自己極速進入狀態：「我會成同自己講嘢，『呢場戲要做好啲，我得一次機會！』，雖然拍劇有得 NG 同剪接，但我成日覺得第一次會係最真實嘅感覺，同埋我都唔會想對手失望，講兩句又 NG。」
Katy 坦認同 John 哥對戲好大壓力。
談到與老戲骨 John 哥（姜大衞）對手戲連場，Katy 坦言勁大壓力，並笑言不敢直視對方：「因為一來我啲對白好多專業詞語，你又知 John 哥加埋個造型坐喺度幾有氣勢，我直頭唔敢望佢。但我同我自己講我依家係方芳，我一定要贏過邢生，所以係好有壓力。我覺得我唔會想喺呢個前輩面前 NG，唔係只係對白、連個戲我都唔想 NG，想要做到好精準，我覺得呢個係健康嘅壓力，係好嘅推動力。」
Katy 升呢主席後，成個感覺同之前演繹「集運小妹」好唔同。
INFO：由騰訊視頻和 TVB 聯合製作的台慶劇《位元堂養陰丸呈獻：企業強人》，今晚（18 日）八點半翡翠台播映大結局。結局周最後數集劇情，除集中顯示方芳（龔嘉欣飾）升呢世代物業主席後的蛻變及成長外，宋翹（張曦雯飾）能否克服復發的癌症、及徐道明（譚俊彥飾）能否如願抱得美人歸亦是焦點所在。