陳曉華飾演桂花香，係一位善良同清純到不得了嘅姑娘。
金牌編審張華標重返 TVB 操刀、並夥拍昔日《巾幗》系列好拍檔方駿釗（嘟嘟）監製的台慶劇《健絡通 25 周年呈獻：巾幗梟雄之懸崖》 ，即將於翡翠台隆重登場。
羅毓儀飾演陸奕澄，出場時只得 17 歲。
陳楨怡飾演寧俐，係一名「綠茶心機女」，羅天宇飾演殺手韋豪。
《巾幗梟雄》系列的精彩之處除了巾幗與梟雄的針鋒相對、相知相惜及共同成長外，其他角色帶出的「情」 、無論是親情抑或愛情，均是《巾幗》系列特色所在。第四季的談情重任，落在年青輩演員身上，飾演茶樓老闆獨女—桂花香的陳曉華（Hera） ，與飾演亡命之徒韋豪的羅天宇，將譜出一段一波多折、但又兩小無猜的純愛故事。識於微時的桂花香及韋豪，因某種原因失散多年；最終久別重逢的二人雖火速重燃愛火，但礙於各種現實，二人一直未能光明正大地成為情侶；縱然如此，二人仍甘願無條件為對方付出、甚至自我犧牲；而當二人感情漸見起色時，卻又殺出程咬金寧俐（陳楨怡飾）挑撥離間⋯⋯
羅天宇、陳曉華同陳楨怡喺劇入面會有一段「小三角戀」，到底點「小」法，密切留意劇情。
Hera 劇入面個個造型都好靚，仲要好有仙氣。
佢個角色因為單純又感情豐富，所以成日都會喊，不過 Hera 全程喊得好自然又楚楚可憐。
入行 16 年終圓夢接拍動作戲能在同一套劇中與港姐冠軍及亞軍人馬有感情戲，天宇受訪時笑言並沒有如大家想像般好艷福，並笑言與 Hera 及楨怡「談情」最大難度竟是高度問題，天宇笑言：「我哋有個小三角戀，而同佢哋拍談情戲，高度係最大問題！因為我個角色成日著啲鞋都冇乜底，佢哋兩個本身已經好高，加上佢哋個角色成日要著高踭鞋，佢哋又勁瘦，企喺佢哋側邊，Suppose 我個角色要好有型架嘛，但畀佢哋搞到好似矮仔咁。」天宇又補充指，拍攝《巾幗 4》最開心及難忘的地方，是終能一償心願接觸動作戲：「我入行十六年喇，最近每年專訪講新目標，我都會話好想試拍打鬥戲，細個睇葉問、黃飛鴻、李小龍已經好鍾意，所以一路好期待拍，去到今次真係有機會接觸，真係好開心。初初聽故仔話我個角色槍法好好，仲以為唔使點打，點知唔係，原來我咁就做咗『動作擔當』。」
陳楨怡嘅造型真係身形差啲都 carry 唔到。
而自 2020 年首度拍劇後即備受關注的 Hera，翌年即憑《異搜店》躍升女一位置，並陸續憑《美麗戰場》及《新聞女王》的演出贏盡焦點，演技實力不容忽視。是次首度參演民初劇的 Hera，劇中不但造型多多，而且每個造型均是仙氣逼人、顏值爆燈；除了甜笑、天真的樣子勁吸引，淚眼汪汪的委屈樣亦煞是動人，堪稱《巾幗 4》的「眼淚擔當」。談到首次拍民初劇，Hera 笑言最大驚喜是造型比想像中多元及豐富，並透露是淡妝上陣演出：「我有好多套造型，雖然都好淡妝，但係就係因為好清淡，好符合桂花香呢個角色。」她更笑言由於劇中造型偏公主風，故拍畢劇集後多了「香香公主」這個稱號，十分搞笑！
羅天宇入行十六年，終於可以圓夢拍到動作戲。
佢同黎耀祥、蕭正楠都有對打戲。
至於與 Hera 及天宇苦陷三角關係的楨怡，劇中造型同樣漂亮多變，除了有多款超貼身旗袍大晒美好身段及白滑長腿，更會展現極富年代感的富貴睡衣 Look，及年代貴婦 Look，絕對值得期待。獲監製嘟嘟點名大讚演戲有天份的楨怡，在劇中飾演暗戀天宇多年的「心機女」，為了贏取天宇關注及憐惜，更不惜自殘兼作故仔，角色具備一定程度殺傷力。
另近年成為劇集監製及網民新寵、以童顏見稱的羅毓儀（Yuki），這次將再度挑戰「逆生長」，飾演比真實年紀年輕 11 年的體弱少女澄澄；少女公主風的衣著打扮、配以 Yuki 清澈亮麗的孩子眼，即使要 28 歲飾演 17 歲少女亦說服力十足，是劇集的「童顏擔當」。Yuki 飾演的澄澄亦有自己的故事，年紀輕輕便身患重病的她，在柴十七（黎耀祥飾）爸爸柴民意（杜燕歌飾）幫助下成功走出鬼門關，但代價卻是一條人命⋯⋯
Yuki 已經成為無綫童顏代表！
