《女神配對計劃2》男友視覺公開！70張靚相大放送！
- 5天前
- 讀畢需時 1 分鐘
TVB 戀綜《女神配對計劃2》全球招親進入最後倒數，截止報名係5月31號夜晚11點59分。為咗呼籲各路求愛勇士把握黃金機會，五位女神——何沛珈（Roxanne）、郭珮文（Juliana）、陳若思（Amber）、阮嘉敏（Mandy）同俞可程（Kanis）——各自喺社交網放出「男友視角片」，施盡渾身解數，甜到網民嗌「戀愛了」！
俞可程（Kanis）以可愛眼鏡妹造型上陣，著住短裙、紅髮，上車就嗌肚餓，瘋狂派「為食樣」同食相，仲玩埋「爆笑牛屎」ending，創意滿分。網民大讚：「好想同Kanis去葵廣食雞蛋仔」、「四眼妹造型好得」。
郭珮文（Juliana）走韓風貼地路線，食意粉、濃湯多士、芝士蛋糕食到污糟貓咁，又大啖又杯滋，之後再加拖手同甜美眼神殺，女友力爆燈。
何沛珈（Roxanne）係五位中最多互動嘅，有晨早起床Morning Kiss、互相餵食、甜蜜抹嘴，睡衣造型加甜到漏眼神，網民封為「夢中情人」：「omg甜到爆」。
阮嘉敏（Mandy）以「拍拖一日遊」為題，著住白色吊帶裙，仙氣十足，食飯行街睇風景，甜到網民話：「姐姐好仙氣」、「我理想女友髮型」。
陳若思（Amber）最似大細路，食完章魚燒話飽，轉頭又話玩，玩完又嗌攰要抖，十足HandsUp Feel，網民話有初戀感覺：「好cute」、「心動」。
五位女神各出奇招，想爭取最後機會報名，就要快啲上tvb.app.do/goddess2睇詳情啦！
